Ang notebook ng tindahan mo, nasa phone mo na.

Itala ang benta, bantayan ang stock, at ilista ang utang ng suki, lahat sa phone mo. Gumagana kahit walang signal.

  • Walang download sa Play Store
  • Tagalog, English, Bisaya, Hiligaynon
  • Para sa kahit anong tindahan
  • Sa phone, tablet o laptop
Ang Benta screen ng KwadernoDashboard ng KwadernoListahan ng utang ng mga sukiListahan ng stock
Pamilyar ba?

Paalam sa papel na listahan.

“Magkano na nga ulit ang utang ni Aling Rosa?”

Sa Kwaderno, isang tap lang, kita mo na ang utang ng bawat suki at kung kailan sila huling nagbayad.

“Ubos na pala ang mantika, hindi ko napansin.”

Sasabihan ka ng app bago maubos ang paninda, at may listahan na ng bibilhin mo.

“Kumikita ba talaga ako?”

Sasabihin ng app kung lumalakas o humihina ang benta mo, at magkano ang tubo, walang kwenta-kwenta sa papel.

Features

Lahat ng kailangan ng tindahan mo

Simple at madaling basahin, kahit hindi ka sanay sa apps.

Kumusta ang negosyo?

Sasabihin ng Dashboard kung lumalakas o humihina ang benta, magkano ang tubo, at ano ang dapat asikasuhin.

Mabilis magbenta

I-tap ang paninda, singilin. Cash, GCash o utang. May barcode scanner at resibo din.

Listahan ng utang

Utang ng bawat suki, may paalala na pwedeng i-send sa Messenger o text.

Bantay-stock

Alam mo kung ilan pa ang natitira at kung ano ang paubos na.

Madaling backup

Isang tap lang, maipapadala mo ang backup sa Messenger o Google Drive. Magpapaalala rin ang app.

Kahit walang signal

Gumagana nang offline. May helper mode din, para makapagbenta ang bantay nang hindi nakikita ang kita mo.

Dashboard

Alam mo agad kung kumusta ang negosyo

Isang tingin lang, kita mo kung lumalakas o humihina ang benta kumpara noong nakaraang linggo, magkano ang tubo, at kung ano ang dapat asikasuhin.

  • Benta kumpara noong nakaraang linggo at buwan
  • Tubo at utang na hindi pa bayad
  • Paalala kung ano ang paubos at dapat singilin
Dashboard ng Kwaderno
Benta

Singilin sa ilang tap lang

Nakaayos ang paninda ayon sa kategorya, may presyo at natitirang stock. I-tap, singilin, tapos.

  • Cash, GCash o utang
  • Kinukwenta ang sukli
  • Resibo na pwedeng i-share o i-print
Ang Benta screen ng Kwaderno
Utang

Wala nang nakakalimutang utang

Parang notebook, pero hindi nawawala at hindi nagkakamali sa kwenta.

  • Kabuuang utang ng lahat ng suki
  • Kasaysayan ng bawat utang at bayad
  • Paalala na pwedeng i-send
Listahan ng utang ng mga suki
Stock

Alam mo kung kailan bibili

Bilang ng bawat paninda, presyo at puhunan. Pula ang paubos na, para hindi ka maubusan.

  • Mag-receive ng bagong stock
  • Listahan ng bibilhin sa supplier
  • Price list na pwedeng i-share
Listahan ng stock
Para kanino?

Para sa kahit anong tindahan

May handang listahan ng paninda para sa bawat klase ng tindahan, para makapagsimula ka agad.

🏪 Sari-sari store🍲 Carinderia👕 Ukay-ukay🏍️ Motor parts at repair🔨 Hardware🥖 Bakery🛍️ Iba pang tindahan
Paano magsimula

Handa na sa loob ng 2 minuto

Buksan ang link

I-tap ang “Subukan nang libre” sa phone mo. Walang kailangang i-download.

I-save sa home screen

I-tap ang “Add to Home screen” para parang app na ito sa phone mo.

Ilagay ang tindahan mo

Pangalan ng tindahan, mobile number, at 4-digit PIN. Pwede ka nang magbenta.

Subukan nang libre

Presyo

Presyong kaya ng kahit anong tindahan

Subukan muna nang libre. Magbayad lang kung gusto mo.

Libreng trial

₱0

Unang 14 araw

  • Lahat ng features
  • Walang kailangang card o bayad
  • Hindi mawawala ang records mo pagkatapos
Magsimula

Buwanan

₱50 /buwan

Bayad kada buwan

  • Lahat ng features
  • Tulong sa Messenger
  • Pwedeng i-renew kahit kailan
Magbayad sa GCash
Pinakatipid

Taunan

₱499 /taon

Isang bayad lang para sa buong taon

  • Lahat ng features
  • Tulong sa Messenger
  • Walang alalahanin buong taon
Magbayad sa GCash

Magbayad sa GCash, tapos i-message sa amin ang reference number at mobile number ng tindahan mo. Bubuksan namin ang plan mo sa araw ding iyon.

Mga tanong

Mga madalas itanong

Kailangan ba ng internet?

Hindi. Kapag na-save mo na sa home screen, gumagana ang Kwaderno kahit walang signal. Kailangan lang ng internet sa unang pagbukas ng link.

Saan naka-save ang records ko?

Sa phone mo mismo. Walang ibang nakakakita ng benta at utang mo, kahit kami. Ang ipinapadala lang ng app sa amin ay bilang ng gumagamit, gaya ng uri ng tindahan at wika, nang walang pangalan o numero.

Paano kung mawala o masira ang phone ko?

Dahil nasa phone lang ang records, mahalagang mag-backup. Sa app, buksan ang “Iba pa”, tapos “Backup”, at i-tap ang “Mag-save ng backup”. Isang tap lang, maipapadala mo ito sa sarili mo sa Messenger o mase-save sa Google Drive. Magpapaalala rin ang app kapag isang linggo ka nang hindi nakapag-backup. Kapag may backup ka, maibabalik mo ang lahat sa bagong phone. Kung walang backup, hindi na maibabalik ang records.

Anong phone ang pwede?

Kahit anong Android phone na may Chrome, at iPhone na may Safari. Ang barcode scanner at Bluetooth printer ay gumagana sa Chrome sa Android.

Pwede ba sa tablet o laptop?

Oo. Buksan lang ang link sa Chrome o Edge. Sa malaking screen, parang cash register ang itsura: nasa kaliwa ang paninda at nasa kanan ang kasalukuyang benta. Pwede ring gumamit ng USB barcode scanner. Tandaan: hindi nagsi-sync ang records sa pagitan ng mga device, kaya pumili ng isang pangunahing device. Para ilipat ang records, gamitin ang backup file. Gumagana ang plan mo sa kahit anong device na may parehong mobile number.

Opisyal na resibo ba ang resibo ng app?

Hindi. Ang resibo ng Kwaderno ay para sa suki at sa sarili mong records, at hindi ito resibo ng BIR.

Paano magbayad at mag-renew?

Magbayad sa GCash at i-message sa amin ang reference number at mobile number ng tindahan mo. Padadalhan ka namin ng code. Sa app, buksan ang “Iba pa”, tapos “Plan at bayad”, i-paste ang code, at i-tap ang “I-activate”. Kapag nag-renew ka nang maaga, idadagdag ang bagong araw pagkatapos ng dati mong plan.

Nakalimutan ko ang PIN ko. Ano ang gagawin?

I-message kami at padadalhan ka namin ng reset code. Sa lock screen, i-tap ang “May reset code ako”, i-paste ito, at pumili ng bagong PIN.

Mag-message

May tanong? Sumulat ka sa amin.

Tungkol man sa app, sa bayad, o kung nakalimutan mo ang PIN, sasagot kami sa lalong madaling panahon.

Gagamitin lang namin ang number mo para sagutin ka. Kung magbabayad ka, isama ang GCash reference number sa mensahe.

How we handle your information (Privacy Policy)

Simulan na ang digital na listahan

Libre ang unang 14 araw. Walang kailangang i-download.

Subukan nang libre